Meksikanın cənubunda tanınmış jurnalist naməlum şəxs tərəfindən qətlə yetirilib.
Hadisə oktyabrın 28-i axşam saatlarında baş verib.
62 yaşlı Fredi Lopes Arevalo evinə dönərkən avtomobilindən əşyalarını götürdüyü zaman naməlum bir şəxs ona atəş açıb və hadisə yerindən motosikletlə qaçıb.
Qeyd olunur ki, Lopes Arevalo müxtəlif xarici xəbər agentliklərinin müxbiri olub. O, həmçinin “Novedades de México”, “Prensa Libre de Guatemala” və “Notimex” kimi yerli nəşrlərdə redaktor vəzifəsində çalışıb.
Arevalo ispan, ingilis və fransız dillərində xəbərlər dərc edən “Maya Press” agentliyinin də təsisçisi idi.