Bu gün səhər Livanın paytaxtı Beyrut şəhərində 2020-ci ildə dəniz limanında baş vermiş partlayışla əlaqədar istintaqdan narazı olan şiə partiyaları hakim Tarek Bitarın işdən çıxarılması tələbi ilə aksiya keçiriblər.
Nümayişçilər Ədliyyə Sarayına doğru hərəkət etdikdə atəşə tutulublar. Nəticədə 6 nəfər ölüb, 60-dan çox nümayişçi yaralanıb.
Livan ordusu Beyrutda silahlı toqquşmalarda iştirak etməkdə şübhəli bilinən 9 nəfərin həbs olunduğunu açıqlayıb.
Silahlı insidentdən sonra Livanda 15 oktyabr matəm günü elan edilib. Bu barədə baş nazir Nəcib Mikati qərar qəbul edib. Həmin gün bütün dövlət idarələri, o cümlədən məktəblər bağlanacaq.
