Sabirabad rayon sakini Ceyhun Zeynallı və “Maya” ləqəbli falçı Şəfəq İsmiyeva barəsində dələduzluqla bağlı başlanmış cinayət işi üzrə bəzi məlumatlar bəlli olub.
Belə ki, Falçı Şəfəq İsmiyeva Azərbaycan Respublikası Prezidentinin köməkçisi, Prezident Administrasiyasının Dövlət nəzarəti məsələləri şöbəsinin müdiri Kərəm Həsənovun bacısı, cinayət işi üzrəzərər çəkmiş Rəna Ağarzayevadan qızının bəxtini açdırmaq üçün dələduzluq yolu ilə aldığı bir milyon manat puldan 400 min manata yaxın vəsaiti qaytarıb.
Təqsirləndirilən Ceyhun Zeynallı ona elan edilmiş ittiham üzrə özünü təqsirli bilmir. Şəfəq İsmiyeva isə Ceyhun Zeynallıdan hamilə qalaraq uşaq dünyaya gətirdiyi üçün məhkəmənin hökmü ilə sərbəst buraxılıb.
Şəfəq İsmiyeva Kərəm Həsənovun bacısından aldığı bir milyon pulu Ceyhun Zeynallıya verdiyini iddia edir. C.Zeynallı isə bunu təkzib edir və Şəfəq İsmiyevanın dünyaya gətirdiyi körpəsinin də atası olmadığını bildirib.