General-mayor Mixail Kosobokov Azərbaycanın Qarabağ bölgəsindəki Rusiya sülhməramlı kontingentinin komandiri vəzifəsinə təyin olunub.
Bu barədə məlumatı “Sputnik Ermənistan” yayıb.
Məlumatda deyilir ki, Ermənistanın müdafiə naziri Arşak Karapetyan rus sülhməramlıların yeni komandiri Mixail Kosobokov ilə görüşüb. Rusiyanın Ermənistandakı 102 saylı hərbi bazasının komandiri polkovnik Dmitri Ovçarov da görüşdə iştirak edib.
Muradovun yerinə gətirilən kimdir?
Mixail Kosobokov 1999-cu ildə Ryazan Ali Hərbi Hava Komandanlığı Məktəbini, daha sonra Frunze Akademiyasını bitirib.
Əvvəllər Cənub Hərbi Dairəsinin 58-ci ümumqoşun ordusunun komandirinin müavini vəzifəsində çalışıb.
Bununla yanaşı, Abxaziyadakı Rusiya hərbi bazasına da rəhbərlik edib.
2016-cı ildə Rusiya Prezidentinin sərəncamı ilə general-mayor rütbəsi alıb.
Qeyd edək ki, bu ilin may ayında rotasiya qaydalarına əsasən, Rüstəm Muradovun geri çağırılacağı bildirilirdi, ancaq Azərbaycan-Ermənistan sərhədindəki gərginliyə görə R.Muradov vəzifəsində qalmışdı.
