Moskvanın Taqan rayon məhkəməsi azərbaycanlı məşhur yumorist İdrak Mirzəlizadənin həbs olunması ilə bağlı qərar qəbul edib.
Bu barədə məlumatı vəkil Sergey Badamşin açıqlayıb. Bildirilib ki, İ.Mirzəlizadə çıxışında ruslarla bağlı etdiyi zarafata görə 10 sutkalıq həbs edilib.
İdrak Mirzəlizadə ifadəsində səsləndirdiyi zarafatların ksenofobiya xarakteri daşımadığını deyib.
Qeyd edək ki, iyun ayının sonlarında İ. Mirzəlizadəyə Moskva şəhərində döyülüb. Yumorist bu hücumun səbəbini onun “Разгоны” verilişində səsləndirdiyi zarafatlarla bağlı olduğunu əlaqəlandirib. Veriliş yayımlandıqdan sonra müxtəlif KİV də yumoristi tənqid etməyə başlayıb. Mirzəlizadə isə bütün tənqidlərə cavab olaraq bildirib ki, cümlələr verilişin məzmunundan kəsilib və bu səbəbdən də tamaşaçılar onu düzgün anlamayıb.