Daxili İşlər Nazirliyi (DİN) “palatka” toylarının necə təşkil edilməli olduğunu açıqlayıb.
DİN Mətbuat xidmətinin şöbə rəisi Elşad Hacıyev bildirib ki, şadlıq evlərindən kənar yerlərdə, toy çadırlarında keçirilən şənliklərdə yalnız 50 nəfərədək qonaq iştirak edə bilər.
E.hacıyev qeyd edib ki, həyət toylarında da tibbi maskadan istifadə etmək və sosial məsafə saxlamaq məcburidir.
50 nəfərdən artıq iştirakçı ilə çadırlarda toy mərasimi keçirilməsi isə tövsiyə olunmur. Həm şadlıq evlərində, həm də “palatka”larda keçirilən toylar saat 12-də bitməlidir.
Qeyd edək ki, iyulun 1-dən ölkədə toyların bir sıra qaydalarla keçirilməsinə icazə verilib.