“İzzəddin əl-Qəssam Briqadaları” (Qəzza Zolağını idarə edən HƏMAS hərəkatının döyüş qanadı) qruplaşması İsrailin Aşdod və Aşkelon şəhərlərinə raket zərbələri endirdiyini açıqlayıb. Aşkelona Qəzza zolağından atılan raket hücumları nəticəsində iki İsrail mülki vətəndaşı həlak olub.
Bu barədə İsrail Xarici İşlər Nazirliyi məlumat yayıb. Bundan əlavə daha dörd nəfərin yaralandığı bildirilib.
Qeyd edək ki, ötən gündən etibarən Qəzza zolağında gərginlik artıb, 9-u uşaq olmaqla 20 fələstinli həlak olub, yaralı sayı 100-ə çatır. İsrail ordusu Qəzza sektorundan İsrail ərazisinə raketlər atıldığını bildirib və buna cavab olaraq “HƏMAS” hərəkatının obyektlərinə aviazərbələr endirildiyini açıqlayıb.