Xalq artisti Arif Quliyev vəfat edib.
Bu barədə aktyorun oğlu Rövşən Quliyev məlumat verib.
Bir müddət əvvəl koronavirusa (COVID-19) yoluxan Xalq artisti “Yeni Klinika”da müalicə olunurdu. Vəziyyəti ağır olduğundan aktyor süni tənəffüs aparatına qoşulmuş, ağ ciyərlərinin doxsan faizi buzlaşmışdı.
Xalq artisti “Qurd qapısı” qəbiristanlığında torpağa tapşırılıb.
Dəfn mərasimindən çəkilən videonu təqdim edirik:
Qeyd edək ki, Arif Quliyev 1950-ci ildə anadan olub.
A.Quliyev “Bəyin oğurlanması”, “Yaramaz”, “Bəxt üzüyü”, “O dünyadan salam”, “Qəm pəncərəsi”, “Mənim ağ şəhərim”, “Alma almaya bənzər”, “Ağ gəmi” kimi bədii filmlərdə canlandırdığı obrazlarla yadda qalmışdı.