Gənc ixtiraçı Reyhan Camalova ABŞ-ın bir neçə nüfuzlu universitetinə qəbul olunub.
1. Stanford Universiteti
2. Pensilvaniya Universiteti – Penn Dünya Təqaüdçüsü (Penn World Scholar) kimi qəbul alıb.
3. Dyuk Universiteti (Tam – illik 85,903 dollar təqaüdlə) – Martın ortasında erkən qəbul (likely letter) alıb.
4. Braun Universiteti (Tam – illik 85,574 dollar təqaüdlə)
5. Amherst Kolleci (Tam – illik 84,168 dollar təqaüdlə)- Martın 5-də erkən qəbul (early write) alan 200 şagirddən biri olub.
6. Toronto Universiteti Viktoria Kolleci, Fiziki və Riyazi Elmlər (Physical and Mathematical Sciences).
7. Toronto Universiteti Scarborough Filialı, Co-op Menecment (Co-op Management BBA).
Qeyd edək ki, Reyhan Camalova yağış suyundan enerji isehsal edən Reynerci ( Rainergy) qurğusunun ixtiraçısıdır.
2018-ci ildə Gənclər üçün Prezident mükafatına layiq görülüb.
2018-ci ildə 15 yaşlı Reyhan Camalova “ Rainergy” adlı layihəsi ilə “Forbes” jurnalının 30 yaşdan aşağı 30 asiyalı siyahısına daxil olub.
2017-ci il noyabrın 17-də Hindistanda keçirilmiş VIII Qlobal Sahibkarlıq Sammitində iştirak edib və o zamankı ABŞ prezidentinin qızı İvanka Trampın xüsusi mükafatını alıb. O, Qlobal Sahibkarlıq Sammitində ən gənc iştirakçı olub.
R.Camalova həmçinin 2017-ci ildə Azərbaycanda BMT Modeli Konfransında həvəsləndirici mükafat qazanıb və Avropanın ən böyük yaşıl biznes ideyası müsabiqəsinin final mərhələsinə vəsiqə qazanıb.