8 mart Qadınlar günündə Azərbaycanda avtobuslar da işləməyəcək. Nazirlər Kabineti (NK) bununla bağlı “Xüsusi karantin rejimi ilə bağlı əlavə tədbirlər barədə” qərarında dəyişiklik edib.
NK-nin qərarı ilə 6 mart saat 00:00-dan 9 mart saat 06:00-dək ölkə ərazisində ictimai nəqliyyatın hərəkəti dayandırılıb.
Martın 8-i Azərbaycanda iş günü deyil.
Qeyd edək ki, Covid-19 pandemiyası ilə əlaqədar karantin tədbirlərinə görə Nazirlər Kabinetinin qərarı ilə həftə sonları ictimai nəqliyyat işləmir. Ilk dəfə həftəsonu qadağalara 2020-ci il 6 iyun saat 00-dan başlanıb. Metronun fəaliyyəti isə bütünlüklə dayandırılıb. Bakı Metropoliteni 2020-ci il ərzində cəmi 163 gün işləyib, bu il hələ metronun fəaliyyəti bərpa edilməyib.