Nazirlər Kabineti “Vətəndaşlıq vəziyyəti aktlarının dövlət qeydiyyatı Qaydası”nda dəyişiklik edib.
Müvafiq qərarı baş nazir Əli Əsədov imzalayıb.
Qərara əsasən, vətəndaşlıq vəziyyəti aktlarının qeydiyyatı şöbələrində, konsulluqlarda, icra hakimiyyəti nümayəndəliklərində doğumun, nikahın və ölümün dövlət qeydiyyatı zamanı toponimlər mövcud inzibati- ərazi vahidlərinin adlarına uyğun yazılacaq.
Arayışların təkrar verilməsi zamanı həmin sənədlərin verildiyi gün mövcud olan inzibati- ərazi vahidlərinin adları göstəriləcək.
Ermənistanda anadan olmuş şəxslərə verilən təkrar arayışlar və şəhadətnamələrdə yerlərin adları Azərbaycanın tarixi toponimlərilə göstəriləcək.-