Bazar ertəsi Yeysk şəhərində Rusiyaya məxsus qırıcı təyyarə yaşayış binasına çırpııb.
Yeysk, Azov dənizinin dar bir hissəsi ilə Ukraynanın cənubundakı Rusiya tərəfindən işğal edilmiş ərazidən ayrılır.
Partlayış “Sukhoi Su-34” orta mənzilli səsdən sürətli qırıcı-bombardmançı təyyarənin yaşayış binalarına yaxınlaşdığı zaman baş verib. Rusiya agentlikləri pilotların atıldığını bildirib.
Qəza hərbi aerodromdan təlim uçuşu zamanı baş verib. Müdafiə Nazirliyi bildirib ki, pilotlar havaya qalxarkən mühərrikin alışdığını bildiriblər.
Hadisə yerindən çəkilən kadrlardan görünür ki, qəzadan sonra binanın çox hissəsi yanıb.
Rusiya Səhiyyə Nazirliyinin məlumatına görə, oktyabrın 18-i səhər saatlarına olan məlumata görə, Yeysk (Krasnodar diyarı) yaşayış massivində Su-34 qırıcı-bombardmançı təyyarəsinin qəzaya uğraması nəticəsində ölənlərin sayı 13-ə çatıb.
19 nəfər yaralanıb, ölənlər arasında iki hamilə qadın da var.
Fövqəladə Hallar Nazirliyindən bildirilib ki, dağıntıların çıxarılması başa çatıb, axtarışlar zamanı 68 nəfər xilas edilib, 360-dan çox insan təxliyə edilib.