Ukrayna Ali Radası Ukrayna mediasında və ictimai məkanda rus və belarus kitablarının, musiqilərinin yayılmasını və istifadəsini qadağan edib.
Bu barədə Ali Radanın deputatı Yaroslav Jeleznyak teleqram kanalında məlumat verib.
O, bildirib ki, Parlament Rusiya Federasiyasından, onun müvəqqəti işğal etdiyi Ukrayna və Belarus ərazilərindən kitab və digər nəşriyyat məhsullarının idxalını və yayılmasını qadağan edib.
Y.Jeleznyak Ali Radanın Ukrayna KİV-də və ictimai yerlərdə Rusiya musiqisinin səsləndirilməsini də qadağan etdiyini deyib.
Qeyd edək ki, Rusiya və Belarus musiqisindən istifadəni qadağan edən qanun layihəsi 20 aprel 2022-ci ildə Ali Radaya təqdim edilmişdi.