Martın 31-də Naxçıvan Muxtar Respublikası Babək rayonunun Nehrəm qəsəbəsindəki 3 saylı orta məktəbdə tikinti-təmir işləri zamanı üç nəfər həlak olub.
Ölümə bina divarlarından birinin uçması səbəb olub. Daha bir işçi xəsarət alıb, Naxçıvan Muxtar Respublikasının Bakıdakı daimi nümayəndəliyi bildirib.
Qeyd olunub ki, bu il martın 1-dən məktəbin yenidən qurulması ilə bağlı işlər həyata keçirilib və dərs olmayıb. Müvafiq qurumlar baş verənlərin səbəblərini araşdırırlar.
Öz növbəsində Təhsil Nazirliyindən bildiriblər ki, martın 1-dən həmin müəssisədəki tədris prosesi Nehrəm qəsəbəsi 1 saylı məktəbə keçirilib.