Rusiya diplomatlarının ailələrini Ukraynadan çıxarmağa başlayıb.
Bu barədə “The New York Times” məlumat yayıb.
Təhlükəsizlik orqanlarında çalışan yüksək vəzifəli ukraynalı məmuruna istinad edən nəşr yazır ki, yanvarın 5-i Rusiyanın Kiyev şəhərində çalışan diplomatların övladları və həyat yoldaşları avtobuslarla Moskvaya yola düşüblər.
Bir neçə gün əvvəl isə Kiyev və Lvovdan rusiyalı diplomatların daha 30-a yaxın ailə üzvü Ukraynanı tərk edib.
Digər konsulluqlardakı diplomatlara da ölkəni tərk etməyə hazırlaşmaları deyilib.
Məlumatda o da bildirilib ki, Ukrayna və ABŞ-da belə hesab edirlər ki, Rusiya bunu etməklə ya təbliğata əl atır, ya hücuma hazırlaşır, ya da hər kəsi aldatmağa çalışır.