Qazaxıstanın keçmiş prezidenti Nursultan Nazarbayevin ortancıl qızı Dinara Kulibayeva Cenevrə gölünün sahilində dəbdəbəli qəsr alıb.
Bu barədə İsveçrənin “Bilan” nəşri məlumat yayıb.
Malikanənin qiyməti dəyəri 63 milyon dollardır.
Qəsr “Chateau Bellerive” adlanır. 17-ci əsrin ortalarında tikilib. Qəsr İsveçrənin ən bahalı yerlərindən biri olan Cenevrə gölünün sahilində yerləşən Kollonj-Belriv kommunasında yerləşir.
Qəsr İsveçrənin milli irs obyektləri siyahısına daxil edilib və mədəniyyət abidəsi kimi tanınır.
Qəsrdə ən son yaşayanlar yaxın vaxtlara qədər BMT-nin Qaçqınlar üzrə Ali Komissarlığı vəzifəsində çalışmış və uzun müddət Cenevrədə yaşamış Şahzadə Sədruddin Ağa Xanın varisləri olub.
Qəsr üç il əvvəl satışa çıxarılıb və ilkin dəyəri 120 milyon dollar olub. Lakin bu məbləğə alıcı olmadığına görə qiymət bir neçə dəfə aşağı salınaraq sonda 63 milyon dollara satılıb.
