Qobustan Rayon İcra Hakimiyyətinin keçmiş icra başçısı Rafiq Alışov uzun sürən xəstəlikdən sonra vəfat edib.
67 yaşlı R.Alışovun təzyiqdən əziyyət çəkdiyi və bir müddət öncə infarkt keçirdiyi bildirilir.
Qeyd edək ki, R.Alışov 2016-cı ildə Bakı ağır Cinayətlər Məhkəməsinin hökmü ilə 8 il 6 ay müddətinə azadlıqdan məhrum edilib. O, Cinayət Məcəlləsinin 178-ci (Dələduzluq) və 320-ci (Saxta sənədlərdən istifadə etmə) maddələri ilə ittiham olunub.
Səhhətindəki problemlərə görə 2017-ci ildə qəbul edilən amnistiya aktı ilə azadlığa buraxılıb.
Onu da qeyd edək ki, Rafiq Alışov 1994-2001-ci illərdə Qobustan Rayon İcra Hakimiyyətinin başçısı vəzifəsində çalışıb.