“İcbari Tibbi Sığorta üzrə Dövlət Agentliyinin fəaliyyətindən dəfələrlə seçicilərimlə görüşəndə kifayət qədər narazılıq eşitmişəm. Eyni halı başqa rayonlarda görüşlərdə də eşitmişəm. Ancaq inanmaq istəmirdim ki, bu agentlikdən bu qədər narazılıq var”.
Bunu deputat Rüfət Quliyev parlamentdəki çıxışında deyib.
O qeyd edib ki, bir müddət əvvəl seçicisi qaraciyərində olan problemlə bağlı ona müraciət edib: “Mən bu agentliyin sədri ilə danışdım ki, sığorta ilə əlaqədar köməklik etmək olarmı? Qurum sədri dedi ki, məşğul olarıq. Amma bir həftədir cavab gəlmədi. Sonra deputat sorğusu verdim. İki aydan sonra mənə zəng gəldi. Əfsuslar olsun ki, xanım o müddətdə dünyasını dəyişdi. Necə ola bilər ki, iki ay yarıma bu məsələ araşdırılmasın?!”