Koronavirusdan müalicə alan müğənni Səyyad Əlizadə vəfat edib.
Bu barədə sosial şəbəkədə müğənninin həmkarları məlumat verib.
Dünən axşam saatlarında dünyasını dəyişən 63 yaşlı müğənni vəsiyyətinə uyğun olaraq Füzuli rayonunun Babı kəndində valideynlərinin yanında torpağa tapşırılıb.
Dəfndə rayon ictimaiyyətinin nümayəndələri, kənd sakinləri və ifaçının sənət yoldaşları iştrak ediblər.
Qeyd edək ki, S.Əlizadə Mərkəzi Gömrük Hospitalında müalicə olunurdu. Müayinə nəticəsində ifaçının ağ ciyərində 70% buzlu şüşə aşkarlanmış və o, reanimasiya şöbəsinə yerləşdirilmişdi. İfaçının vəziyyəti ağır olduğundan ECMO cihazına qoşulmuşdu.
Onu da qeyd edək ki, ECMO – ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur.