Əfqanıstanda qadınlardan ibarət milli futbol komandasının nümayəndələri ölkəni tərk edib. Xarici KİV-lərin yaydığı məlumata görə, bu barədə Pakistanın informasiya naziri Favad Çaudri bildirib. Nazir idmançıların Əfqanıstan-Pakistan sərhədindəki “Torxham” keçid məntəqəsində olduğunu bildirib.
İnformasiya nazirinin sözlərinə görə, Pakistanın Futbol Federasiyasının rəhbərliyi qadın futbolçuları qəbul edib. Vətənini tərk edən idmançıların adları və onların ölkəni beynəlxalq yarışlarda təmsil etməyə davam edib-etməyəcəyi barədə məlumat verilmir.