“Taliban terrorçuları qarşısında heç vaxt baş əyməyəcəyəm və onlarla bir səmanın altında yaşamaq niyyətində deyiləm”.
Bunu Əfqanıstanın vitse-prezidenti Əmrullah Saleh deyib.
Ə.Saleh sosial şəbəkələr vasitəsilə xalqa müraciət edərək əfqanları taliblərə qarşı mübarizəyə çağırıb.
Yerli KİV-də yayılan məlumata görə, Ə.Saleh özünə sadiq silahlı dəstə ilə Pəncşər vilayətinə çəkilib. O, əfsanəvi səhra komandiri Əhməd Şah Məsudun oğlunun rəhbərlik etdiyi silahlı dəstəyə qoşulub.