Qarabağda hərbi əməliyyatlar başlandığı gündən etibarən qardaş Türkiyənin müxtəlif bölgələrində Azərbaycana dəstək aksiyaları keçirilir.
Sinop Dərnəklər Federasiyasının (SİNDEF) təşkilatçılığı ilə Qarabağda döyüşdə yaralanan əsgərlərimiz üçün qanvermə aksiyası keçirəcək.
Federasiyanın rəhbəri Hasan Dalkıran bildirib ki, Türkiyə Qızıl Aypara Cəmiyyəti tərəfindən (Türk Kızılay) oktyabrın 30-31-də Qaziosmanpaşa rayonunun mərkəzi meydanında quraşdırılacaq çadırda azərbaycanlı əsgərlər üçün qan toplanacaq. Dalkıran cümə namazından sonra hamını azərbaycanlı əsgərlər üçün qanverməyə çağırıb.
“Biz Azərbaycana qanımız və canımızla bağlıyıq. İşğal edilmiş torpaqlarını azad etmək üçün hazırda Qarabağda dastan yazan azərbaycanlı əsgərlərə qanımızla yardım etməyə çalışırıq. Ümidvarıq ki, hamı, xüsusilə də sinoplular qan verməklə Azərbaycana dəstək göstərəcəklər ”,-f ederasiya rəhbəri müraciətində bildirib.