ABŞ-ın keçmiş prezidenti Donald Tramp ona qarşı açılan cinayət işinin seçkilərə müdaxilə olduğunu bildirib. “Kommersant” qəzetinin yazdığına görə o,, bunu Florida ştatındakı Mar-a-Laqo malikanəsində mətbuata verdiyi açıqlamada deyib.
“Bu, kütləvi seçki müdaxiləsidir. …Mən heç vaxt inanmazdım ki, Amerikada belə bir şey baş verə bilər. Mənim yeganə cinayətim millətimizi, onu məhv etmək istəyənlərdən cəsarətlə müdafiə etməkdir “-deyə eks-prezident bildirib.
Qeyd edək ki, Nyu-York məhkəməsində Trampa qarşı prezidentlik dövründə maliyyə sənədlərini saxtalaşdırmaqla bağlı 34 ittiham irəli sürülüb. O, aprelin 4-də Nyu-Yorka gəlib, iki saata yaxın həbs edilib və sonra sərbəst buraxılıb. Tramp impiçment elan edilən ilk eks prezidentdir. Tramp ittihamı qondarma hesab edir.