Fövqəladə Hallar Nazirliyi (FHN ) noyabrın 16-da gecə saatlarında Abşeron rayonu, Xırdalan şəhərində çoxmərtəbəli yaşayış binasında partlayış baş verməsi barədə məlumat yayıb.
Məlmatda bildirilir ki, AAAF Park Yaşayış Kompleksində ondördmərtəbəli yaşayış binasının 2-ci mərtəbəsindəki mənzildə ilkin ehtimala görə məişət qazının sızması nəticəsində partlayış baş verib.
İlkin məlumata görə, hadisə nəticəsində üç nəfər xəsarət alıb. Xəsarət alanlar xəstəxanaya aparılıb. Bundan başqa, partlayış dalğası 2 avtomobilin zədələnməsinə səbəb olub.