Rusiyanın Qarabağdakı sülhməramlı qüvvələrinə yeni komandan təyin edilib.
“Sputnik Ermənistan” xəbər verir ki, yeni komandan general-mayor Andrey Volkovdur.
O, hazırda Cənub Hərbi Dairəsinin Radiasiya, Kimya və Bioloji Müdafiə qoşunlarının rəisidir.
A.Volkov 2020-ci ilin noyabrından 2021-ci ilin may ayına qədər general-leytenant Rüstəm Muradovun rəhbərliyi altında sülhməramlıların komandanının müavini olub.
Qeyd edək ki, Azərbaycanın Qarabağ bölgəsindəki Rusiya sülhməramlı kontingentinin ilk komandanı Rüstəm Muradov olub. Onun missiyası 2021-ci ilin sentyabrın 6-da başa çatıb. Sentyabrın 9-da Muradovu general-mayor Mixail Kosobokov əvəzləyib. Onu isə sentyabrın 25-də general-leytenant Gennadiy Anaşkin əvəz edib.