Bakı Ağır Cinayətlər Məhkəməsində Cinayət Məcəlləsinin 177.3.2-ci (Oğurluq, külli miqdarda ziyan vurmaqla törədildikdə) maddəsi ilə təqsirləndirilən Gülnar İsmayılovanın cinayət işi üzrə məhkəmə prosesi başa çatıb.
Hakim Əhməd Quliyevin sədrliyi ilə keçirilən prosesdə G.İsmayılovaya hökm oxunub. Məhkəmənin hökmü ilə ona şərti cəza verilib.
İttihama görə, hadisə 2019-cu ilin sentyabr ayından 12 mart 2020-ci il tarixədək olan müddət ərzində paytaxtın Yasamal rayonunda qeydə alınıb.
G.İsmayılova Bakıda liseylərin birində direktor vəzifəsində çalışan Sevinc Orucovanın uşağının dayəsi olub və qadının evindən 57 800 manatlıq oğurluq edib.