Sosial şəbəkələrdə Masallı rayonunda mağazadan oğurluq edən şəxsin görüntüləri yayılıb.
Mağazanın müşahidə kamerası tərəfindən qeydə alınan görüntülərdə orta yaşlı kişinin marketdəki rəflərdən birindən məhsulu götürərək cibinə qoyduğu görünür. İddia olunur ki, həmin şəxs Masallı Mərkəzi Rayon Xəstəxanasının baş həkimi Rasim Əzizovdur.
TƏBİB-dən Masallı Rayon Mərkəzi Xəstəxanasının baş həkimi Rasim Əzizovun öz ərizəsi ilə vəzifəsindən azad edildiyi bildirilib. Qeyd edilib ki, direktor vəzifəsi həmin xəstəxanada həkim-kardioloq vəzifəsində çalışmış İlqar Ramizoğluna həvalə edilib.
Daxili İşlər Nazirliyinin Mətbuat Xidmətindən isə bildirilib ki, bu məsələ ilə bağlı sosial şəbəkələrdə yayılan həmin görüntülər araşdırılır.