Çeçenistan rəhbəri Ramzan Kadırov böyük qızı Ayşat Kadırovanı ölkənin mədəniyyət naziri təyin edib.
22 yaşlı A.Kadırova buna qədər mədəniyyət nazirinin birinci müavini olub. O, nazir müavini postuna 2020-ci ilin sentyabrında təyin olunub.
Buna qədər Ayşat Kadırova 2009-cu ildə anasının açdığı “Firdaws” moda evinə rəhbərlik edirdi.
2020-ci ilin əvvəlində Ayşat Kadırova Qroznıda Paris restoranı açıb.
Xatırladaq ki, Ramzan Kadırovun kiçik qızı Xədicət Kadırova ötən ilin dekabrında Qroznıda Məktəbəqədər Təhsil Şöbəsinin rəhbəri təyin olunub.