Baş prokurorluğun mətbuat xidməti “Günah Bank” ASC-nin filial müdirinin həbsi barədə məlumat yayıb.
Məlumatda bildirilir ki, filial müdiri yaxın və qohumların adına yüzlərlə şirkət yaradaraq bankın 54 milyon manat vəsaitini həmin şirkətlərin hesablarına köçürüb.
Müəyyən edilib ki, bankın 7 saylı filialının müdir müavini Rauf Hüseynov 2018-2021-ci illər ərzində yaxın qohum və tanışlarının adına 585 şirkət yaratmaqla həmin şirkətlərin dövlət orqanlarında qeydiyyata alınmasına nail olub.
Rauf Hüseynova qarşı Cinayət Məcəlləsinin 193.3.2 (xüsusilə külli miqdarda gəlir əldə etməklə yalançı sahibkarlıq) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələri ilə cinayət işi başlanıb və o, məhkəmə qərarına əsasən həbs edilib.