Ermənistanda baş nazir Nikol Paşinyanın istefa tələbi ilə aksiya davam edir. Gün boyu müxalifətçilərlə Paşinyan tərəfdarları arasında yaranan qarşıdurmalardan sonra ehtiraslar səngiməyib. Vipmedia.info-nun erməni mənbələrdən əldə etdiyi məlumata görə , tələbləri yerinə yetirilməyincə dağılışmaq istəməyən etirazçılar parlamentin binası qarşısında çadırlar qurmağa başlayıblar.
Ermənistanın müxalif “Vətənin Xilası Naminə Hərəkatı”nın tərəfdarları Baqramyan prospektini bağlayaraq çadırlarda gecələyəcəklərini bildiriblər.
Bununla yanaşı, müxalifət ölkədəki siyasi böhrandan çıxışmaq üçün Ermənistan prezidenti Armen Sarkisyanla danışıqlar aparmağı qərara alıblar.