Fransanın Nitsa şəhərində Notr- Dam kilsəsində bıçaqlı naməlum şəxs insanlara hücum edib.
Hadisə zamanı kilsə daxilində iki nəfər – bir kişi və bir qadın qətlə yetirilib, üçüncü şəxs ağır yaralanaraq hadisə yerindən qaçıb gizləndiyi barda həlak olub. Hadisə nəticəsində bir neçə nəfər yaralanıb.
Hadisə yerinə polislər cəlb edilib. Fransa Daxili İşlər Naziri Gerald Darmanen insidentlə əlaqədar təcili iclas keçirib.
Fransa Prezidenti Emmanuel Makron və baş nazir Jan Kasteks təcili olaraq Bovo Meydanındakı Daxili İşlər Nazirliyinin böhran mərkəzinə gediblər.
Hüquq-mühafizə orqanlarının əməkdaşları silahlı şəxsi saxlayıblar. Onun təhlükəsizlik qüvvələrinin müdaxiləsi nəticəsində yaralandığı və xəstəxanaya aparıldığı bildirilib.
Polis vəziyyətin nəzarət altında olduğunu və təşvişə ehtiyac olmadığını bildirib.