Dünyada koronavirusa yoluxanların sayı 4,34 milyon nəfərə çatıb.
Bu barədə Ümumdünya Səhiyyə Təşkilatı (ÜST) bildirib.
Qeyd edilir ki, dünyada bir gün ərzində koronavirusa 90 mindən çox yoluxma qeydə alınıb. Bu halda COVID-19-dan ölüm hallarının sayı son gün ərzində 5 mindən çox artıb. Bununla da pandemiya qurbanlarının ümumi sayı 297 mini ötüb.
ÜST-ün məlumatına görə, dünyada yeni virusa ümumilikdə 4 338 658 yoluxma və 297 119 ölüm qeydə alınıb. Son bir gündə COVID-19-a 90 629 yoluxma, 5 073 ölüm qeydə alınıb.
ÜST bildirib ki, statistik götəricilər yalnız rəsmi rəqəmləri əks etdirir.
Dünyada koronavirusa ən çox yoluxma Amerika qitəsində qeydə alınıb. Şimali və Cənubi Amerikada ümumilikdə 1 864 468 insan virusa yoluxub. COVID-19-a bir gün ərzində yoluxma 44 915, ölüm sayı 2 813 artaraq 111 934-ə çatıb.
Avropada koronavirusa ümumilikdə 1 826 295 yoluxma və 163 277 ölüm qeydə alınıb. Köhnə qitədə 24 saatda koronavirusa yoluxanların sayı daha 24 627 nəfər, ölənlərin sayı 1 864 nəfər artıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə yayılıb.
Report.az