Hüseyn Abdullayev: “Ailə xoşbəxtliyini xalqın bədbəxtçiliyi üzərində quran İlham Əliyevə, o Kəmalləddinə çatdırıram ki…”
Sabiq deputat Hüseyn Abdullayev “Facebook” səhifəsində İlham Əliyev və komandasını ittiham edib. Sabiq deputatın yazdıqlarını olduğu kimi təqdim edirik: “Hörmətli həmvətənlərim, dəyərli dostlar! Sizə məlumdur ki, İlham Əliyev hakimiyyəti neçə müddətdir mənim ölkədə olmadığımdan istifadə edərək, meydanı boş görüb mənə və ailəmə aid olan bütün mülkiyyətimizi zəbt etməklə məni sındırmaq məqsədi güdürdü. Lakin bu istəkləri lazımı nəticəni vermədikdə, ən alçaq və ən ucuz vasitələrə əl atıb, yaşlı anamı və xəstə atamı girov saxlayaraq, məndə peşmançılıq hissini yaradıb, illərdir apardığım haqlı mübarizədən çəkindirmək istəyirlər. Siz onu da bilirsiniz ki, mən yuxarıda sadaladığım bu haqsızlıqlara görə mövcud rejimə öz kəskin etirazlarımı bildirmişəm. Və mən Hüseyn Abdullayev bir daha bəyan edərək, neçə illərdir millətimin qanını içən, onu yoxsulluqa və ümidsizliyə məhkum edən, və bununla da özlərinin ailə xoşbəxtliyini Azərbaycan xalqının bədbəxtçiliyi üzərində quran İlham Əliyevə, o “alagöz” Kəmalləddinə, eləcə də diktatorun günahlarına şərik olanlara çatdırıram ki, gün gələcək mən Azərbaycana döndüyümdə, sizlər ədalət məhkəməsində hesab verəcəksiniz. Bundan tam arxayın olun, ürəyinizi də buz kimi saxlayın.
Əziz dostlarım, bu yazını bitirmədən öncə, sizlərə yeni yazdığım “Oyan xalqım” adlı şeirimi təqdim edirəm. Buyurun.
Saf niyyətli böyük xalqım
Ruhu sınmış bezmiş xalqım
Hansı namərd saldı səni bu günə?
Kimlər vurdu bu zənciri əlinə?
Kaş dönəydin milli birlik gücünə,
Səbəbkarın cəzasını verərdin.
Yenə sənin ümidini qırdılar,
Taleyini kimə gəldi satdılar.
Olub qalan səsin vardı sadəcə,
Onu belə səndən sənsiz aldılar.
Hansı namərd saldı səni bu günə?
Kimlər vurdu bu zənciri əlinə?
Kaş dönəydin milli birlik gücünə,
Səbəbkarın cəzasını verərdin.
Yetər susdun, bəsdir daha.
Oyan, xalqım, qalx ayağa.
Öz qorxuna meydan oxu,
Özün yol aç xoş sabaha.
Xatırladaq ki, Hüseyn Abdullayev bundan əvvəl siyasi motivli “Susma” mahnısı və “Gözün aydın” şeiri ilə gündəmə gəlmişdi.