FLAŞ:

Bakıda Avtobus Dərəyə Aşdı

Bakıda marşrut avtobusu aşıb.

“Qafqazinfo”nun verdiyi xəbərə görə, hadisə saat 16:30 radələrində Zığ şossesində baş verib.

Hərəkətdə olan 175 saylı marşrut avtobusu yoldan çıxaraq dərəyə aşıb. Avtobusun içərisində 20-yə yaxın sərnişin olub.

Səhiyyə Nazirliyinin mətbuat xidmətindən verilən məlumata görə, qəza nəticəsində ölən olmayıb, 12 nəfər xəsarət alıb.

Yaralı şəxslər müxtəlif travmalarla 3  saylı Şəhər Klinik Xəstəxanasına yerləşdiriliblər.