FLAŞ:

Yaşamaq Həvəsi…

Cəlal Yaquboğlu

Uğursuz ovdan qayıdan
bir balıqçı qayığı tək
əllərim boş,
təknəm boş,
ümidlərim boş.
Dəniz azğın,
dalğalar “sərxoş”.
Sularda,
yosun qoxusu.
Dalğalarda,
ölüm qorxusu.
Havada dənizin,
duzlu nəfəsi.
Başım üstə uçuşan
qağayıların tanış nəğməsi.
Dodaqlarımda
yatmağa gedən Günəşin,
son busəsi.
Çəhrayı şəfəqlərin
sehirli ilməsi.
Bir də…
Hər şeyi unudub,
yaşamaq,
yaşamaq,
yaşamaq həvəsi…