“Hacı Cavad” məscidinin keçmiş axundu, ilahiyatçı Əhliman Rüstəmov Dövlət Təhlükəsizliyi Xidmətinin (DTX) əməkdaşları tərəfindən saxlanılıb.
Bu barədə onun Oğlu Qasım Rüstəmov sosial şəbəkədə məlumat yayıb.
O, bildirib ki, DTX əməkdaşları atasını evindən götürüblər.
Q.Rüstəmov qeyd edib ki, ilahiyatçının evində axtarış da aparılıb və dini ədəbiyyat müsadirə edilib.
İlahyyatçının ailəsinə saxlanmanın səbəbi izah edilməyib.
Qeyd edək ki, son günlər ərzində Azərbaycanda bir neçə iranpərəst ilahiyatçı saxlanılıb. Onlardan yalnız Sərdar Babayevə rəsmi ittiham irəli sürülüb. O, dövlətə xəyanət etməkdə ittiham olunur.